БНХАУ, АНУ-ын холбогдох төлөөлөгчид худалдааны гэрээний эхний үе шатны хэлэлцээрт Вашингтон хотод гарын үсэг зурахаар төлөвлөж байгаа ажээ. Вашингтон хоёр жилийн хугацаанд Америкийн дөрвөн салбараас 200 тэрбум ам.долларын өртөг бүхий бараа бүтээгдэхүүн худалдаж авахыг Бээжинд үүрэг болгосон заалт оруулсан тухай “South China Morning Post” сонинд онцолжээ.

Тодруулбал, 75 тэрбум ам.долларын өртөг бүхий аж үйлдвэрийн салбарын бараа бүтээгдэхүүн, 50 тэрбум ам.доллароор эрчим хүчний эх үүсвэрүүд худалдан авах бол 40 тэрбум ам.долларыг хөдөө аж ахуйн бүтээгдэхүүн импортлоход, 35-40 тэрбум ам.долларыг үйлчилгээний салбарт зарцуулах ёстой аж. Уг хэлэлцээрт өнөөдөр Цагаан ордны Зүүн танхимд АНУ-ын Ерөнхийлөгч Дональд Трамп, БНХАУ-ын Төрийн Зөвлөлийн шадар сайд Лю Хэ нарын оролцоотойгоор, 200 орчим зочдыг байлцуулан гарын үсэг зурах төлөвтэй байна.

Эх сурвалж: https://www.bbc.com/news/business-51098294

 

---