Ард иргэдэд тэгш сонголт хийх боломж олгох ёстой. Энэ удаад нэг мандаттай байсан Булган, Говь-Алтай, Дундговь, Сүхбаатар аймагт мандат нэмэх ёстой.

Хүн амаа бодсон ч Булган 62 мянган хүн амтай. Тиймээс зайлшгүй хоёр мандаттай байх нь зүй ёсны хэрэг. Тэгш байдлыг хангах үүднээс мандат нэмэх байх. Бусдыг мэдэхгүй байна.

-Тойрог хуваарилах асуудалтай холбоотойгоор гишүүд зодоон хийсэн гэх яриа байна. Таны нэр яригдаж байна?
-Тийм яриа гарч байна лээ. Гэхдээ ямар ч асуудал байхгүй. Сонгууль дөхөхөөр янз бүрийн худал мэдээлэл, гүтгэлэг гардаг. Энэ чинь хуулийнхаа дагуу л явна шүү дээ. 2-р сарын 1-нээс өмнө шийдэх ёстой.
-Хотын мандатаас авна гэж яриад байна?
-Хотын мандатаас авч таарна. Өмнө нь хөдөөнөөс аваад хотод нэмчихсэн шүү дээ. Гол зарчим бол эрх тэгш байх зарчмыг суулгаж өгсөн. Газар нутгийн байршил нөлөөлөх байх. Гэхдээ хүн амын нягтаршил, суурьшлаа бодолцох ёстой.

-Хүн амын тал нь суурьшдаг хотод харин ч мандат нэмэх ёстой гэж үзээд байна?
-Хотынхон харин ч мэдээлэлд ойр байдгаараа давуу талтай. Хөдөө алс, бөглүү байдаг хүмүүс мэдээллээс хол байдгаараа асуудал ихтэй. Тиймээс хотынхны эрх ашиг зөрчигдөнө гэж үзэж болохгүй.

---