Иргэд санамсар, болгоомжгүйгээсээ болж гол мөрний мөсөн дээгүүр тээврийн хэрэгсэлтэй зорчиж, мөсөнд цөмрөх, автомашинтайгаа живэх, осолдох тохиолдол олон гарч байгаа аж. Он гарсаар онцгой байдлын байгууллагын алба хаагчид гол, нуурын мөс цөмөрч, автомашинтайгаа живсэн хэд хэдэн иргэнийг аварчээ. Тухайлбал, Хан-Уул дүүргийн XIII хороонд иргэн Б-гийн жолоодож явсан “кроун” автомашин Туул голын мөсөнд цөмөрч, нийслэлийн аврах анги 105-ын алба хаагчид ажиллаж, автомашиныг татан гаргасан аж. Мөн Налайх дүүргийн I хороо, Тэрэлжийн баруун талд иргэн Г-ын жолоодож явсан “старекс” загварын суудлын автомашин 10 зорчигчтой явж байгаад Туул голын мөсөнд цөмөрсөн талаар албаныхан мэдээллээ. Азаар хүний амь нас эрсдээгүй байна. Иймд голын мөс гүйцэд хөлдөөгүй учраас иргэдийг анхаарал болгоомжтой зорчихыг анхаарууллаа.

---