“Будапешт-2018” ДАШТ-ий гурав дахь өдөр эрэгтэйчүүдийн 70 кг-ын жинд Дмитрий Коркиний нэрэмжит Олон Улсын тэмцээний мөнгө, “Монголиа Опен” Олон Улсын тэмцээий хошой мөнгө, нэг хүрэл медальт, үндэсний шигшээ баг, “Алдар” спорт хорооны тамирчин ОУХМ Б.Бямбадорж эхний барилдаанд Иракийн Давод Аль Дулаимиг оноогоор цэвэр (10:0) ялав. Тэгвэл тэрбээр 1/8 шигшээд ДАШТ-ий мөнгө, хүрэл медальт АНУ-ын Жеймс Гринийг 4:2-оор илүүрхэж шөвгийн наймд шалгарлаа. Түүний 1/4 шигшээгийн өрсөлдөгч нь 2015 оны дэлхийн аварга ОХУ-ын Магомедрасул Газимагомедов.

 

---