Японы мэргэжлийн сумо бөхийн 2020 оны эхний хацу башёгийн хоёр дахь өдрийн барилдааныг шууд дамжуулан үзүүлж байна.
Өчигдөр башёгийн эхний өдөр Какүрюү М.Ананд аварга өвдөг шороодон шуугиан тарьсан бол дээд зиндаанд барилдаж буй бусад монгол бөхчүүд маань бүгд учраануудаа давсан байна. Эхний өдрийн тоймыг ЭНД дарж үзнэ үү.
Өнөөдөр их аварга Хакухо М.Даваажаргал маэгаширагийн 1-ээс барилдаж буй Эндотой барилдах бол М.Ананд аварга комүсүби Абитай барилдах оноолттой байна. Харин Тамаваши Э.Мөнх-Оргил өнөөдөр секиваке Асанояаматай барилдана. Өнгөрөгч Аки башёд Асанояма анх удаа Тамавашиг давсан байдаг. Өнөөдөр яах бол?
Жич: Шууд дамжуулалтын бичлэг нь башё дуусахад хадгалагддаггүй тул тухайн өдрийн барилдааныг нөхөж үзэхийг хүсвэл та маргааш өглөөний тойм бичлэгийг хүлээн авч үзнэ үү.
