УИХ-ын гишүүн, УИХ дахь МАН-ын бүлгийн дарга Д.Тогтохсүрэн:

-УИХ дээр өргөн бариагүй боловч МАН-ын байр суурь бол Сонгуулийн хууль нэгэнт олон мандаттай, томсгосон тойрог байна гэж заасан учир Нийслэл хотын мандатын тоог цөөлж, орон нутгийнхыг нэмнэ. 

Бүлэг дээр сая ажлын хэсгийн саналыг сонслоо. Нэгд, 6 сая төгрөгөөс доош Тэтгэврийн зээлийг тэглэе. Хоёрт, Салхитын мөнгөний ордоос 1 сая төгрөгийн үнэт цаасыг зээл аваагүй 194 мянган ахмадад олгоё. Бэлэн мөнгө тараахгүйгээр. Гуравт, Тэтгэврийн зээлийг хэвээр үлдээе. Гэхдээ зургаан сараас илүү олгохгүй. 

Ц.Мөнх-Оргил гишүүний ярьсан мэдээлэл ташаа байна лээ. Банкуудад сард 40-50 тэрбум төгрөгийн тэтгэврийн зээл гардаг юм билээ. Тэгэхээр сард 100 тэрбум гарсан гэдэг ташаа. Гэхдээ хууль, хяналтын байгууллага шалгах шаардлагатай. 

---