НҮБ-ын зөвлөмжийн дагуу Монгол Улс хүн ам, орон сууцны Улсын тооллогыг 10 жил тутамд зохион байгуулдаг. Манай улс түүхэндээ 10 удаа хүн амын нэгдсэн тооллого явуулсан бөгөөд 1918 онд анхны тооллого хийж эхэлснээс хойш 100 жил өнгөрч, 2020 онд 11 дэх удаагаа хүн амаа тоолж эхэллээ.

Санамсаргүй түүврийн аргаар сонгогдсон өрхийн нэг бол Чингэлтэй дүүргийн оршин суугч, өндөр настан Д.Ням гуайнх. Тэрээр өдгөө  101 насыг зооглож буй ажээ. Чингэлтэй дүүргийн хувьд санамсаргүй түүврээр сонгогдсон 4230 өрхийг тоолох юм. 

Нийслэлийн хэмжээнд 500 тоологч, 128 шалгагч ажиллаж байна. 

Энэ удаагийн тооллого бүртгэлд суурилсан болон уламжлалт гэсэн хосолмол аргаар явагдаж байгаагаараа онцлогтой юм. Хүн ам орон сууцны тооллогыг хийснээр иргэн таны мэдээлэл төрийн мэдээллийн нэгдсэн санд баталгаажиж, ирэх 70 жилийн архивын үнэт лавлагаа болох юм.

---