АНУ-ын Висконсин мужид хажуугаар өнгөрсөн машин руу цас шидэж дэггүйтсэн 12, 13 настай хүүхдүүд рүү галт зэвсгээр буудсан хэрэг гарчээ. Цагдаагийн газрын мэдээлснээр хэсэг бүлэг хүүхдүүд сахилгагүйтэж, цасан бөмбөлөг бэлдэж машинууд руу шидэж тоглосон байна.

Гэтэл тэд цагаан өнгийн Toyota машин руу цас шидэх үед дотор нь сууж явсан жолооч буудаж гал нээжээ. Жолоочийн суманд өртсөн 12 настай охин, 13 настай хүү хүндээр шархадсан байдалтай олдсон байна. Азаар тэдний шарх амь насанд нь халгүй өнгөрчээ.

Хүүхдүүдийг орон нутгийн эмнэлэгт хүргэсэн бөгөөд цагдаагийн газраас тэдэн рүү галт зэвсгээр буудсан сэжигтэй этгээдийг эрэн сурвалжилж, түүнтэй холбоотой мэдээлэл өгөхийг хүсч зар тараажээ.

 

Эх сурвалж: www.cnn.com

---