МАХН-аас нийгэмд үүсээд байгаа тэтгэврийн зээлийн талаар байр сууриа илэрхийллээ. Тус намаас тэтгэврийн зээлийг тэглэхийг дэмжиж байгаа ч татвар төлөгчдийн мөнгөөр биш авлигачид, оффшорчдын мөнгөөр зээлийг тэглэх ёстой гэж мэдэгдэв.
Тодруулбал, Капитал банкны 240 тэрбум
-Хөгжлийн банкны 1.2 их наяд төгрөг
-АСЕМ 395 тэрбум төгрөг
-Оффшор дансны 17 тэрбум төгрөг
-Албан тушаалтнууд 12 их наяд төгрөг хулгайлсан. Эдгээр мөнгийг төлүүлж ахмадуудын тэтгэврийн зээл, зээлийн хүүг тэглэх эх үүсвэр болгох нь шударга ёсонд нийцнэ гэсэн байр суурьтай байна. Энэ их хэмжээний мөнгийн нийлбэр нь нийт 13.8 их наяд төгрөг болж байна гэж мэдэгдлээ. 
Түүнчлэн тэтгэврийн зээлгүй 176 мянган ахмадуудад нэг удаа 1 сая төгрөгийн урамшуулал олгох хэрэгтэй гэж үзэв.

Манай нам ахмадуудын тэтгэврийн зээл, зээлийн хүүг тэглэх асуудлыг шийдвэрлэхдээ Засгийн газрын бонд гаргах, зээл авах зэрэг аргыг хэрэглэн татвар төлөгчдөд дахин ачаа үүрүүлэхгүй байх ёстой гэсэн зарчмын байр суурийг баримталж байна. 

---