Хөвсгөл аймгийн Мөрөн сумын Уст багийн 17 дугаар гудамжинд тус аймгийн харьяат иргэн 44 настай У эмэгтэй ажлаасаа энэ сарын 2-ны өдрийн 11:00-12:00 цагийн орчимд утсандаа нэгж аваад ирнэ гэж гараад сураггүй болжээ. 

Иргэн У-ын ар гэрээс эрэн хайх хүсэлтийг энэ сарын 5-ны өдөр өгсөн байна. Ингээд тус аймгийн Цагдаагийн газрын 12 алба хаагч, 2 автомашинтай энэ сарын 02-04-ний өдрүүдэд аймаг, сумдад зорчих автобусны зорчигчдын хяналтын камер, нэрсийн жагсаалт, Мөрөн суманд эрэн хайх ажиллагааг зохион байгуулав. 

Тус аймгийн Онцгой байдлын газрын Эрэн хайх, аврах салбар, Цагдаагийн газрын нийт 25 хүн, 1 эрэлч нохой, 4 автомашинтай мөн өдрийн 13:00 цагаас эхлэн Урандөш багийн “Дэлгэрмөрөн” голын дагуу “Гонгоо-Олом” гэдэг газраас “Хийморийн-Овоо” гэдэг газар хүртэл явганаар 12 км-т, автомашинтай 30 км-т, тус сумын “Цэнгэлдэх хүрээлэн”-ийн орчим 1 км2 талбайд нисгэгчгүй нисэх төхөөрөмжөөр эрэн хайх ажиллагааг тус тус зохион байгуулсан боловч үр дүнд хүрээгүй тул түр зогсоосон байна. 

---