Тайваний Батлан хамгаалах газраас ослын буулт хийсэн нисдэг тэргэн дотор байсан цэргийн удирдагч Шен И мин сураггүй алга болсон талаар өнөөдөр орон нутгийн хэвлэлээр мэдээлжээ. Нисэх хүчний Хар Харцага нисдэг тэрэг тодорхойгүй шалтгааны улмаас гэмтэл гарч Тайпей хотын ойролцоо уулархаг бүсэд ослын буулт хийсэн ба дотор нь 13 хүн байжээ.

Аврах багийнхан уг ослоос амьд үлдсэн зарим хүмүүсийг олж аварсан боловч тэдэнтэй хамт зорчиж байсан нисэх хүчний генерал, Тайваний цэрэг армийн ерөнхий командлагч Шен И Мин олдоогүй байгаа юм. Хар Харцага нисдэг тэрэгт улс төр, дайны товчооны дэд дарга Ю Чинвен, Сангийн дэд сайд Жиан Юмин нар байжээ.

Шинэ он гарсанг тохиолдуулан Хар Харцага нэртэй UH-60M загварын нисдэг тэрэг Илан хотын зүүн хойд хэсэгт байрлаж буй цэргүүд дээр очихоор хөөрсөн гэжээ. Уг осол энэ сарын 11-ний өдөр Тайваньд болох бүх нийтийн сонгуулиас хэдхэн хоногийн өмнө боллоо. Тус сонгуулийг тайваньчууд Бээжингээс холбоо харилцаагаа таслах бүх нийтийн санал хураалт хэмээн харж байгаа юм.

 

Эх сурвалж: www.theguardian.com

---