Манай улсын иргэд бид сар бүр цалингаасаа төлсөн эрүүл мэндийн даатгалынхаа үр шимийг төдийлөн хүртэж чаддаггүй гэж хэлж болно. Уг нь Эрүүл мэндийн даатгалаараа зарим төрлийн эмчилгээ, эм худалдан авах, рашаан сувилалд хэвтэх зэрэг зарим үйлчилгээнд хөнгөлөлт эдлэх боломжтой боловч тэр бүр энэ боломжоо ашиглах нь ховор. 

Тэгвэл энэ оноос зарим спорт клубууд эрүүл мэндийн даатгалаар үйлчилж эхэлжээ. Эрүүл мэндийн даатгалаар Эрүүл мэндийн даатгалын ерөнхий газраас явуулсан сонгон шалгаруулалтад тэнцсэн доорх 13 клуб үйлчлэх боломжтой юм. 

Ингэснээр дээрх байгууллагууд Эрүүл мэндийн даатгалын сан/ЭМДС/-аас зардлын төлбөрийг хариуцах бөгөөд Эрүүл мэндийн даатгалын ерөнхий газартай гэрээ байгуулан ажиллах юм.

Магадлан итгэмжлэгдсэн спортын клубт идэвхтэй хөдөлгөөн, спортоор хичээллэх үйлчилгээнд ЭМДС-аас төлөх нэг удаагийн төлбөрийн хэмжээ 60 мянган төгрөг байх бөгөөд гурван сар 24-өөс доошгүй удаа нэг удаа хичээллэхдээ нэг цагаас доошгүй хичээллэхээр тусгажээ.

---