Агаарын тээврийн судалгаагаар өнгөрсөн 2019 онд зорчигч тээврийн онгоцны ослоор амиа алдагсдын тоо 50 гаруй хувиар буурсныг мэдээлжээ. 2018 онд 534 хүн зорчигч тээврийн онгоцны ослоор амиа алдсан бол 2019 онд 50 хувиар буурч 257 болсон байна.

Өнгөрөгч онд амиа алдсан зорчигчдын дийлэнх нь гуравдугаар сард Этиоп улсад осолдсон Боингийн 737 Мах загварын онгоцны үйлчлүүлэгчид байжээ. Уг ослоор 157 иргэн амиа алдсан билээ.

Түүнчлэн өнгөрөгч 2019 онд зорчигч тээврийн томоохон нисэх онгоцны 86 осол бүртгэгдсэн байна. Эдгээрийн найм нь үхэл дагуулсан гарзтай осол болсноос 257 хүний амийг авчээ. Дээрх судалгааг Нидерландын To70 нисэх хүчний судалгааны төвөөс хийсэн байна.  

Дэлхий даяар өнгөрсөн нэг жилийн хугацаанд агаарын тээвэрт харьцангуй аюул багатай  жил байсныг ийнхүү онцоллоо. Тухайлбал 2018 онд зорчигч тээврийн онгоц осолдсон 160 осол бүртгэгдсэнтэй харьцуулахад осол аваарын тоо буурсан байгаа юм.

Харин өнгөрсөн жилүүдээс хамгийн аюулгүй жил 2017 он байжээ. Тус жил зорчигч тээврийн томоохон нисэх онгоц огт осолдоогүй ба орон нутгийн сэнсэн хөдөлгүүртэй жижиг онгоц хоёр удаа осолдож 13 хүн амиа алджээ.

 

Эх сурвалж: www.bbc.com 

---