Баянгол дүүргийн нэгдүгээр хороонд байх давхрын 11-р байрны дээвэр өчигдөр нурж эхэлсэн байна. Тус барилгын хувьд 2014 онд НМХГ-аас ашиглалтын шаардлага хангахгүй гэсэн дүгнэлт гаргасан юм.

Ингээд тус барилгыг дахин төлөвлөлтөд хамруулсан ч айл өрхүү, аж ахуйн нэгжүүд орон сууцнаасаа гарахгүй өнөөдрийг хүртэл амьдарч үйл ажиллагаа эрхэлж байна.

Тус барилгад өнөөдрийн байдлаар гурван айл өрх, 6 аж ахуйн нэгж үйл ажиллагаа явуулж байгаа юм. Дээвэр нь гурван давхарын айл руу цөмөрч унасан бол хоёр давхрын айлуудын таацанд нуралт өгч эхэлсэн байна. Ийм нөхцөл байдал үүсээд байгаа тул мэргэжлийн байгууллагууд нь яаралтай арга хэмжээ авч айл өрх, аж ахуйн нэгжүүдийг нэн яаралтай чөлөөлж, тус барилгыг хашаалахгүй бол хэзээ мөдгүй нурах эрсдэл үүсээд байна хэмээн тус барилгад дахин төлөвлөлт хийхээр шалгарсан "Тэргүүн чансаа" ХХК-ийн албаны хүн дурдсан юм. 

Тээврийн цагдаагийн алба/ТЦА/-ны Урьдчилан сэргийлэх хэлтсийн дарга асан хурандаа Э.Бөхбат уг барилгад автомат тоглоомын газар ажиллуулж байсан билээ. 

---