Хөвсгөл нуурын мөс өнгөрсөн долоо хоногийн пүрэв гарагаас эхлэн барьцалдан бүрэн хөлдөж баринтагласан гэдгийг нутгийн иргэд хэлж байна. Гэхдээ мөс гүйцэд хөлдөх болоогүй тул ард иргэдийг зорчихгүй байхыг Хатгал тосгоны Захирагч Б.Ганбаатар анхааруулжээ.

Хөвсгөл нуур нь ихэвчлэн өвлийн эхэн сарын шинийн 15-нд баринтагладаг боловч энэ жил цаг агаар тогтуун дулаан байгаагаас энэ жил 10 гаруй хоногийн дараа хөлджээ. Нуурын мөс өвлийн дунд сард 70-80 см орчим зузаантай хөлддөг бөгөөд 120-150 см орчим зузаантай болох үед хангалттай хөлдсөн гэж үзэж Мөсний баяр зохион байгуулдаг ажээ.

Арванхоёрдугаар сарын хоёрдугаар арав хоногийн байдлаар манай орны ихэнх гол мөрөн нуур битүү мөсөн бүрхүүлтэй болсон хэдий ч гол мөрний нийт уртын дагууд мөсний зузаан харилцан адилгүй байгаа ба  мөсний даац хүн, мал, машин тэрэг явахад аюулгүй хэмжээнд хүрч бэхжээгүй тул мөсөн дээгүүр явах болон авто тээвэр хийхгүй байхыг онцгойлон анхааруулж байна.

Зарим томоохон гол мөрний мөсний зузааныг тухайн үеийн болон олон жилийн дундаж утгатай харьцуулан хүснэгтэнд үзүүлэв.

 

---