Нийслэлийн эрүүгийн хэргийн давж заалдах шатны шүүх Нийслэлийн МАН-ын дарга асан Ц.Сандуй, “Шинэ Монгол хаад” группийн Ерөнхийлөгч А.Ганбаатар нарт холбогдох хэргийг хянан хэлэлцээд хуулийг буруу хэрэглэсэн байна хэмээн үзэж анхан шатны шүүхийн шийтгэх тогтоолыг хүчингүй болгож, хэргийг прокурорт буцааж шийдвэрлэжээ.

Түүнчлэн шүүгчдэгч А.Ганбаатарын өмгөөлөгч Б.Мэргэн өөрийн албан ёсны фэйсбүүк хаягтаа “Шүүхээс Доржзодовын хэргийг хэрэгсэхгүй болгосон нь буруу байна. Наад нөхрөө шалга гээд прокурорт буцаалаа” хэмээсэн пост оруулсан байгаагаас үзвэл Г.Доржзодовыг уг хэрэгт холбогдуулан дахин шалгаж эхлэхээр болсон байна.

Бид албаны хүмүүстэй холбогдож Ц.Сандуй, А.Ганбаатар нарыг шүүх хурал хэрхэн шийдвэрлэгдсэнийг тодруулахад “Ц.Сандуй, А.Ганбаатар нарт авсан цагдан хорих, таслан сэргийлэх арга хэмжээг хэвээр үлдээж, хэргийг нэмэлт мөрдөн байцаалтад буцаасан гэх мэдээлэл байна. Уг хэргийг шийдвэрлэсэн шүүгчид өөр хэргийг хянах хуралд орчихсон байгаа учраас албан ёсны мэдээлэл гараагүй байна. Гарсан даруйд мэдээлнэ” гэв.

 

 

---