Дэлхийд алдартай Парисын Дарь эхийн сүм 200 гаруй жилийн түүхэнд анх удаа зул сарын баярын арга хэмжээ явуулахгүй гэдгээ мэдэгдсэн байна. Нотр Дамын сүм энэ жилийн дөрөвдүгээр сард харамсалтайгаар шатаж, уй гашуу тохиосон билээ.

850 жилийн настай сүм 1803 оноос хойш анх удаа зул сарын баярыг тэмдэглэлгүй өнгөрөөж байна гэж хэвлэлийн төлөөлөгч Андре Финот мэдэгдээд байгаа юм. Дэлхийн өв соёлын санд бүртгэлтэй байдаг сүмд гал гарснаас дээвэр, зоорийн хэсэг шатаж сүйдсэн.

Зул сарын өмнөх өдөр бүх нийтийн залбирал, арга хэмжээ сүмд болдог байсан бол энэ жил зэргэлдээх гэгээн Гермайн Л’Оксерройсын сүмд болох ажээ. Сүмийг дахин сэргээн засварлах ажилд тэрбум ам.доллар шаардлагатай гэж үзсэн ба хэдий нь 700 сая ам.доллар цугларсан байна.

 

 

Ерөнхийлөгч Эммануэль Макрон сүмийг таван жилийн дотор дахин барина гэдгээ амлаад байгаа юм. Ерөнхий сайд Эдуард Филипп олон улсын уран барилгачид сүмийг дахин барих төсөлд хамтрах ба хэлбэр загварыг өөрчилж магадгүй хэмээн яригдаж байна.

Францын прокурорууд өнгөрсөн зургадугаар сард гал түймрийн шалтгааныг татаж байсан тамхиа асаалттай хаяснаас, аль эсвэл цахилгааны массаас үүдэлтэй гэж таамагласан юм.

 

Эх сурвалж: www.cnn.com

---