Монголын театрын урлагийн хөгжилд өөрийн авъяас билэг, хөдөлмөр зүтгэлээ зориулж ирсэн ахмад уран бүтээлчид, театрын зүтгэлтнүүдээ мөнхжүүлэх, тэдний бүтээл туурвилын баялаг өв санг хойч үедээ уламжлан хөгжүүлэх үүднээс УДЭТ-ын хамт олон “Бид мартахгүй” дурсамж хүндэтгэлийн үйл ажиллагааг зохион байгуулж ирсэн.

Энэхүү ажлын хүрээнд “Гомбосүрэн сан”-гийн зүгээс УДЭТ-тай хамтран шилдэг дүр бүтээх уралдааныг 2019 оны 12-р сарын 22-ны өдөр зохион байгуулж байгаа аж.

Шилдэг дүр бүтээх уралдааныг уран бүтээлчдийн мэргэжил, ур чадварыг хөгжүүлэх, бие даан ажиллах, уран бүтээлч ажиллагааг дэмжих, багаар ажиллах чадварыг дээшлүүлэх, уран бүтээлчдийн хувийн үзүүлбэрийг нэмэгдүүлэх зорилгоор зохион байгуулж буй бөгөөд уг уралдаан УДЭТ-ийн их танхимд өнөөдөр болох юм байна.

---