-УИХ-ын чуулганаар эцэслэн баталсан УИХ-ын сонгуулийн тухай хуульд ямар ямар өөрчлөлтүүд орсон талаар Сонгуулийн Ерөнхий Хороон дарга Ц.Содномцэрэнгээс тодрууллаа.-

-Сонгуулийн санал авах, товлон зарлах хугацааг 2-р сарын нэгнээс өмнө тодорхой болгоно 

-Нэр дэвшигчид үнэмлэхээ авчихаад сурталчилгаагаа эхэлтэл дөрөв хоног хүлээдэг байсан бол өөрчилж үнэмлэхээ авсан өдрөөс сурталчилгаагаа эхлүүлэхээр хуульчилсан.

-Хандивын хэмжээнд өөрчлөлт орсон.

Иргэн 3 сая, хуулийн этгээд 15 сая хүртэлх төгрөг хадивладаг байсныг иргэн 5 сая, хуулийн этгээд 20 сая болгож өөрчилсөн.

-Цахим орчинд сурталчилгаа явуулж болно. Явуулахдаа нэр дэвшигчийн үнэмлэх авснаас хойш 3 хоногийн дотор Харилцаа холбооны зохицуулах хороонд бүртгүүлнэ.

Бусдыг гүтгэх, доромжлох гэх мэт хууль бус сурталчилгаа хийхгүй байх зохицуулалт хийсэн.

-Намууд эвсэж сонгуулд оролцож болно. Эвсэл нь сонгуулийнхаа жилд хүчинтэй байна. Олонхи нь тарсан бол эвслийг тарсанд тооцно.

-Авлига албан тушаалын гэмт хэрэгт холбогдсон, шүүхийн тогтоолоор баталгаажсан хүмүүс нэр дэвших боломжгүй.

-Сонгуулийн маргаантай асуудлыг хэрхэн шийдвэрлэх нь илүү тодорхой болсон. Цагдаа, мэргэжлийн хяналт зэрэг 10 гаруй байгууллага хяналт тавьж ажиллана. Маргааныг сонгуулийн жилдээ багтааж шийдвэрлэнэ. Одоо мөрдөж байгаа хуулиар 4 жилийн турш маргаан үргэлжилдэг.

-Автоматжуулсан системээр санал тооллого явуулна. Хяналтын тооллогыг нийт санал хураалтын 50 хүртэлх хувьд нь явуулна.

-Сурталчилгааны хоног одоо мөрдөж байгаа хуулиар 18 хоног байсныг 22 хоног болгож нэмэгдүүлсэн.

-Нэр дэвшигчдийн нэрсийн жагсаалтыг нэг хуудсан дээр жагсаана.

-Тойрогт мандатын тоотой тэнцүү нэр дэвшигчийн төлөө саналаа өгнө. Илүү, дутуу тэмдэглээн саналыг хүчингүйд тооцно.

-Шилжилт хөдөлгөөнийг сонгууль болох оны 2-р сарын нэгнээр хязгаарласан.

-УИХ-ын сонгуульд нэр дэвшиж буй төрийн албан хаагч 1-р сарын нэгнээс өмнө ажлаасаа чөлөөлөгдсөн байна.

---