УИХ-ын гишүүн Л.Энх-Амгалан нарын 6 гишүүнээс өргөн мэдүүлсэн УИХ-ын сонгуулийн тухай хуулийн эцсийн хэлэлцүүлэг өчигдөр/2019.12.19/ эхэлсэн, өнөөдөр үргэлжилнэ. 

Төрийн байгуулалтын байнгын хороо өчигдөр/2019.12.20/-ийн хуралдаанаараа нэгдсэн хуралдааны анхны хэлэлцүүлгээр олонхийн дэмжлэг авсан саналуудыг төслийн холбогдох зүйл, хэсэг, заалтад нэмж тусган төслийн агуулга, бодлого, зарчмыг алдагдуулахгүйгээр үг хэллэг, дэс дараалал, бүтцийн шинжтэй засваруудыг хийжээ.

Төрийн байгуулалтын байнгын хорооноос бэлтгэн ирүүлсэн зарчмын зөрүүтэй 14 саналын томъёоллын 7 саналын томъёоллоор нэг бүрчлэн санал хураалт явуулжээ. Хуралдааны явцад Улсын Их Хурлын дарга “Сонгуулийн хуулийг маргаан, зөрчилгүй, улс төрийн намуудын зөвшилцлийн хүрээнд, холбогдох байгууллагуудын саналд үндэслэн эцэслэн батлах ёстой” гэдгийг сануулж эцсийн хэлэлцүүлэгт бэлтгэхийг Төрийн байгуулалтын байнгын хороонд өгчээ. Өнөөдөр УИХ-ын чуулганаар эцсийн хэлэлцүүлгийг хийнэ. 

 

---