Нийслэлийн Баянзүрх дүүргийн 21 дүгээр хорооны 127 дугаар сургууль хөлбөмбөг болон сагсанбөмбөгийн талбайтай болжээ.

Хүүхдийн хөгжлийг дэмжих зорилтын хүрээнд дүүргийн Засаг даргын орлогч Т.Батцогтын санаачлагаар Нийслэлийн орон нутгийн хөгжлийн сангийн хөрөнгө оруулалтаар тус сургуулийн гадна талбайд Хөлбөмбөг, Сагсанбөмбөгийн талбайн тохижилтын ажил хийгдсэн байна.

127 дугаар сургууль нь хөлбөмбөг, сагсанбөмбөгийн талбайтай болсноор тус сургуульд суралцдаг 1065 сурагч төдийгүй 21-р хороонд амьдардаг сургуулийн насны 2234 хүүхэд чөлөөт цагаа зөв боловсон өнгөрүүлэх нөхцөл, боломжоор хангагджээ.

---