Эрүүгийн цагдаагийн албаны Хулгайлах гэмт хэрэгтэй тэмцэх хэлтэс, Хан-Уул дүүргийн цагдаагийн газрын алба хаагчид хамтран 40 удаагийн гэмт үйлдэлтэй хоёр хулгайчийг баривчилжээ. Энэ талаар өнөөдөр 13.00 цагаас ЭЦА-аас мэдээлэл өгөхөөр болсон байна. Сэжигтэн этгээдүүд нь 2018 оны аравдугаар сар, 2019 оны ес, аравдугаар саруудад амины орон сууцуудаар явж, орон байрны хулгайн гэмт хэрэг үйлдэж байсан 1991 онд төрсөн Ш, 1987 оны Б нар болох нь урьдчилсан байдлаар тогтоогджээ. Дээрх этгээдүүд бусдын орон байранд нэвтрэн орсон 40 удаагийн үйлдлийг одоогоор мэдүүлээд байгаа юм байна.

---