ОХУ-ын нисэх онгоц газардуулагч хөлөг Адмирал Кузнецов пүрэв гарагийн өглөө шатсан тухай мэдээлжээ. Хөлөг шатах үедээ Оросын Арктикийн тэнгис дэх Мурманскийн боомт дээр засварын ажил хийж байжээ.

Хөлөг дээр гарсан галын улмаас зургаан хүн гэмтэж бэртэн, нэг хүн сураггүй алга болсон гэж ТАСС агентлаг мэдээлэв. Гал хөлгийн эрчим хүчний хэсэгт эхэлж гарсан байна. Дээд тавцангаас өтгөн хар утаа гарчээ.

Түймэр 120 метр квадрат талбайг хамарч шатсан байна. Хөлгийн дизель түлш шатсан ба гал сөнөөгчид галыг хөөсөөр унтраахаар ажиллаж байгаа ажээ. Хөлөг дээр ажиллаж байсан мэргэжилтнүүдийг нэн даруй нүүлгэн шилжүүлсэн байна.

Шатаж буй кабелийн утаснуудаас их хэмжээний өтгөн хар утаа гарч байгаа тул гал сөнөөгчид голомтод хүрч ажиллаж чадахгүй байгаа гэж CNN  агентлаг дамжуулжээ.

ТАСС агентлаг Адмирал Кузнецов нь Оросын тэнгисийн цэргийн хамгийн том байлдааны хөлөг төдийгүй нисэх онгоц буулгаж, газардуулах хүчин чадалтай цорын ганц техник гэсэн байна. Анхны үүргээ 2016 онд Газар дундын тэнгисээс Сирид агаарын дайралт хийх байлдааны онгоцуудыг нисгэснээр гүйцэтгэж байжээ.

 

 

Эх сурвалж: www.cnn.com

---