Бразил улсад 43 настай эрэгтэй 60 настай ээжийнхээ өмнөөс жолооны шалгалт өгөх гэж байгаад баригджээ. Түүнийг цагдаагийн газарт саатуулсан тухай мэдээлсэн байна.

Ээж Мариа нь өмнө нь гурван ч удаа жолооны үнэмлэх авахаар шалгалт өгсөн ч тэнцээгүй байна. Тиймээс Гектор Скиаве ээжтэйгээ адилхан хувцаслаж очоод өмнөөс нь шалгалт өгч тэнцүүлэхийг оролджээ.

Тэр эмэгтэй хүний цэцэгтэй цамц өмсөж, хумс нүүрээ будаж, хиймэл үс зүүж гоёл чимэглэл үнэт эдлэлээр гангарсан байна. Гэвч удалгүй сэжиг бүхий үйлдлүүд гарч жолооны сургууль цагдаа дууджээ. Хэрэв бичиг баримтын холбогдолтой зарим нэг алдаа гараагүй байсан бол тэр бараг л эмэгтэй хүн шиг харагдаж байсан гэж холбогдох хүмүүс ярьсан байна.

Скиавегийн мэдээлснээр ээж нь түүнийг өмнөөс нь шалгалт өгөхөөр ирсэн гэдгийг огт мэдээгүй гэжээ.

 

Эх сурвалж: www.bbc.com

---