“Монголын Материал Судлал Гагнуурын Нийгэмлэг” ТББ аас 2 жил тутам  зохион байгуулдаг гагнуурчдын ур чадварын улсын аварга шалгаруулах 5 дахь удаагийн тэмцээн шинэ оны босгон дээр ГММСҮТөв дээр дээр амжилттай болж өндөрлөжээ.

Тэмцээн цахилгаан гагнуур, хагас автомат, аргон, хийц буюу эцсийн бүтээгдэхүүн угсрах гэсэн 4 төрөлд нийт 32 байгууллагын 165 гагнуурчин оролцсон байна. 

Тэмцээн дөрвөн төрлөөр явагдахад АНЭУ-ын Абу Даби хотноо зохиогдсон "Дэлхийн ур чадвар" тэмцээний Үндэсний ялагч Ж.Жанлав-Ойдов гуравт нь байр эзэлжээ. Ингээд та бүхэндээ медаль хүртсэн оролцогчдыг танилцуулъя.

Цахилгаан гагнуур /74 гагнуурчин/

1. Х.Бямбажав “MCS”  ХХК

2. Ж.Жанлав-Ойдов “Оюутолгой” ХХК

3. М.Ганхуяг “ДЦС-3” ТӨХК

Хагас автомат /37 гагнуурчин/

1. Б.Өлзийбуян “Хасу-Мегаватт” ХХК

2. М.Ганхуяг “ДЦС-3”  ТӨХК

3. Б.Занданбат “Гурванмөнх” ХХК

Аргон гагнуур /39 гагнуурчин/

1. С.Баасанхүү “Хасу-Мегаватт” ХХК

2. Ж.Жанлав-Ойдов “Оюутолгой” ХХК

3. Т.Оюун-Эрдэнэ “Хасу- Мегаватт” ХХК

Хийц эцсийн бүтээгдэхүүн  /15 гагнуурчин/

1.  Д.Нямрагчаа “Хасу-Мегаватт” ХХК

2.  Т.Оюун-Эрдэнэ ”Хасу-Мегаватт” ХХК

3.  Ж.Жанлав-Ойдов “Оюутолгой” ХХК 

Мэргэжлийн ур чадварын тэмцээнд оролцогчдын хамгийн залуу нь 17, ахмад нь  47 настай байсан юм. Мөн Дэлхийн ур чадвар /WORLDSKILLS competition/-ын тэмцээнүүдийн оролцогчид ур чадвараа сорьсон нь тэмцээнийг улам сонирхолтой болголоо.

Төрөл тус бүрийн эхний 3 байр эзэлсэн гагнуурчдыг  300.000-900.000 төгрөгийн шагналаа. Мөн 2020 онд БНХАУ-д болох олон улсын гагнуурчдын ур чадварын “ARC CUP-2020”  тэмцээнд эх орноо төлөөлөн оролцох эрхээр шагнасан бана. 

---