Дэлхийн эдийн засгийн өрсөлдөх чадварын индексээр АНУ 140 орныг тэргүүлсэн байна. Тус улс арав гаруй жилийн дараа анх удаа эдийн засгийн өрсөлдөх чадвараараа дэлхийд тэргүүлжээ.

АНУ-ын дараа Сингапур, Герман улсууд жагссан байна. Европын орнуудын эдийн засгийн өрсөлдөх чадвар Зүүн Ази, Номхон далайн орнуудтай харьцуулахад суларсан байгааг Дэлхийн эдийн засгийн чуулган онцолжээ.

Эдийн засгийн өрсөлдөх чадварыг тодорхойлохдоо ажиллах хүч, хэвлэлийн эрх чөлөө, хөдөлмөр эрхлэлт, бизнессийн байдал гээд 98 төрлийн шалгуурыг баримталдаг байна.

Шалгалтанд АНУ бусад улс орнуудаас хамгийн өндөр оноо буюу 100-аас 85,6 өөрөөр хэлбэл “нэмэх В” үнэлгээг авчээ. Америкийн оноо алдсан салбарууд нь нийгмийн бүтэц, аюулгүй байдал, мэдээлэл технологи, авлигын эсрэг тэмцэл байв.

Хятадын эдийн засаг өрсөлдөх чадвараараа 28 дугаарт, Оросынх 43 дугаарт оржээ. Өнгөрсөн жил энэ жагсаалтыг Швейцарь улс тэргүүлж, Сингапур хоёрдугаарт8 Америк гуравдугаарт байжээ. Монгол улс энэ онд 52,7 үнэлгээгээр жагсаалтын 99 дүгээрт бичигдсэн байна.

Эдийн засгийн өрсөлдөх чадвараараа тэргүүлсэн 10 улс /2018/

1.       АНУ

2.       Сингапур

3.       Герман

4.       Швейцарь

5.       Япон

6.       Нидерланд

7.       Хонконг

8.       Их Британи

9.       Швед

10.   Дани

Эдийн засгийн өрсөлдөх чадвар сул 10 улс /2018/

1.      Чад

2.       Йемен

3.       Гайти

4.       Ангол

5.       Бурунди

6.       Конго

7.       Сьерра Леон

8.       Мозамбик

9.       Либери

10.   Мавритани

 

Эх сурвалж: www.cnbc.com

---