Их Британийн гүнж агсан Дианагийн хилэн хөх үдшийн даашинз хувцас загвар сонирхогчдын дунд багагүй алдартай. Гүнж энэ даашинзаа жүжигчин Жон Траволтотай бүжиглэхдээ өмсөж байсан юм.

1985 оны 11 дүгээр сард АНУ-ын Цагаан ордонд болсон арга хэмжээн дээр гүнжийн өмсөж байсан даашинз 264,000 фунт стерлинг буюу 347,000 ам.долларын үнэ хүрчээ. Даашинзыг загвар зохион бүтээгч Виктор Эдельштайн урлажээ.

Диана гүнж уг даашинзтайгаа “Saturday Night Fever” дууны хөгжмөн дээр алдарт жүжигчин Траволтатай бүжиж буй шидэт үлгэр мэт зураг дэлхий даяар тархаж алдартай болсон билээ.

Энэ даваа гарагт даашинзыг Керри Тэйлорын дуудлага худалдаагаар зарахаар төлөвлөж байсан ба багадаа 388,000 ам.доллар хүрнэ гэж таамаглаж байсан юм. Гэвч гэнэт даашинзыг дуудлагаар худалдахаас татгалзаж, маргааш нь Их Британийн Historic Royal Palaces нэртэй төрийн бус байгууллага 347,000 ам.доллараар худалдаж авсан байна.

Дуудлага худалдаа ямар шалтгаанаар даашинзыг худалдахаас татгалзсан нь тодорхойгүй ч Их Британид үлдэж байгаад олон хүн таатайгаар хүлээж авчээ. 2013 оны гуравдугаар сард уг даашинзыг дуудлага худалдаагаар 310,000 ам.доллараар зарж байсан юм. Британийн чинээлэг эрхэм эхнэртээ бэлэг болгон авч өгч байжээ.

 

 

Гүнж даашинзыг өмсөх үедээ хар өнгийн индранил чулуун гоёлтой хослуулсан байдаг. Энэ бол түүхэн чухал үйл явдлын гэрчээс гадна 20 дугаар зууны хувцас загварын үнэ цэнэтэй илэрхийлэл гэж судлаачид үздэг юм.

 

Эх сурвалж: www.cnn.com

---