АНУ-ын Нью Жерси мужийн Жерси хотод орон нутгийн цагаар мягмар гарагт цагдаа нар болон сэжигтнүүдийн хооронд буудалцаан болж, нийт зургаан хүн газар дээрээ амиа алдсан байна. Эдгээр зургаан хүний нэг нь цагдаагийн ажилтан, хоёр нь гал нээсэн сэжигтнүүд, үлдсэн нь гэмгүй номхон иргэд байсан гэж олон улсын агентлагууд дамжуулжээ.

Буудалцаан мөргөлдөөний шалтгаан тодорхойгүй ч терроризмын шинж чанаргүй гэж цагдаа нар урьдчилан дүгнэж байна. Сэжигтнүүдийн суманд өртөж амиа алдсан цагдаагийн офицер 39 настай Жосеф Сийлс хууль бус галт зэвсэг хураах хөтөлбөрт хамрагдаж, хэрэгжүүлж байсныг мэдээлжээ. Тэр муу залуусын үйлдлийг зогсоох гэж байгаад амиа алдсан гэж цагдаагийн албан тушаалтнууд мэдэгдэж байна.

 

 

Жерси хотын оршуулгын газарт эхэлсэн буудалцаан хотын төвийн өөртөө үйлчлэх дэлгүүрт үргэлжилжээ. Ойролцоогоор цаг орчим галт зэвсгийн дуу гарсан байна. Сэжигтнүүд хүчин чадал өндөр винтов буугаар зэвсэглэсэн байсан ба хэдэн зуун удаа гал нээж буудсан хэмээн мэдээлсэн байна.

 

 

Өөртөө үйлчлэх дэлгүүрт байсан хүмүүсээс амьд гарсан боловч гэмтэж шархадсан иргэнийг эмнэлэгт хүргэжээ. Мөн сэжигтнүүдийн оршуулгын газраас авч зугтсан ачааны машиныг шалгаж байгаа ажээ.

 

Эх сурвалж: www.bbc.com

---