Майамигийн далайн эргийн урлагийн худалдаан дээр хананд скочоор тогтоосон гадил жимс 120,000 ам.долларын үнэ хүрчээ. Artnet цахим хуудасны мэдээлснээр Италийн Маурицио Каттелан гэх уран бүтээлч яг ийм гурван ижил уран бүтээл туурвисны хоёр нь аль хэдийнээ зарагдсан байна.

Хошин мэдрэмжээрээ алдартай Италийн уран бүтээлч Майами дахь хүнсний дэлгүүрээс гурван ширхэг гадил, нэг скоч худалдаж аваад л хэдэн зуун мянган ам.долларын ашиг олжээ. Мэргэжилтнүүдийн хэлснээр гадил нь дэлхийн худалдаа төдийгүй хошигнолыг илэрхийлж чаддаг сонгодог бүтээгдэхүүн юм байна. Өөрөөр хэлбэл баяр жаргал, санал шүүмжлэл аль алиныг нь илэрхийлдэг гэжээ.

 

 

Уран бүтээлч энэ санаагаа жилийн өмнөөс бодож олсон байна. Каттелан нь соёлын шинжтэй хөшөө, баримал, уран бүтээлүүдээрээ алдартай. Өнгөрсөн есдүгээр сард түүний урласан зургаан сая ам.долларын үнэтэй 18 каратын алтан суултуур хулгайд алдагдсаныг бид мэдээлж байсан билээ.

 

 

Эх сурвалж: www.cnn.com

---