Австралийн орон нутгийн захиргааны албанд жилийн 270,000 авс.доллар буюу 185,000 ам.долларын цалинтай өндөр албан тушаалд томилогдон ажилд орохын тулд хуурамч анкет бүрдүүлсэн эмэгтэй ял эдлэх болжээ. Түүнд багадаа жилийн хугацаанд хорих шийтгэл онооно гэж эх сурвалж мэдээлж байна.

Вероника Хилда Териолт гэгч 46 настай эмэгтэйг 2017 онд орон нутгийн захиргааны ажилд орохын тулд шударга бус үйлдэл гаргаж, хууран мэхэлж, олон нийтийн ажлын албыг залилсан хэмээн буруутгажээ. Тэрээр Өмнөд Австралийн захиргааны хэлтэст ажиллаж, халагдахаасаа өмнө сард 33,000 авс.долларын цалин авдаг байсан юм.

Шүүгчид түүний гэм буруутайг эцэслэн дүгнэвэл хоёр жил хүртэл ял оноож болзошгүйгээс эхний жилд өршөөлд хамруулахгүй байна.

Эмэгтэй өндөр цалинтай, эрх мэдэлтэй албан тушаалд очихын тулд эзэмшсэн боловсрол, өмнөх албан тушаалынхаа талаар худал мэдээллийг өгсөн ажээ. Азаар ярилцлагаа сайн өгснөөр тэнцсэн байна. Гэвч ажилд ороод удалгүй сэтгэцийн эмгэгтэй байж болзошгүй зүй бус зан араншин гаргах болсноор түүнийг сэжиглэж эхэлжээ.

Вероника Хилдагийн хэргийг нарийвчлан шалгахад Австралийн орон нутгийн захиргаанаас өмнө 2012, 2014 онуудад ч ажилд орж байсан компаниуддаа хувийн мэдээллээ хуурамчаар өгч байсныг олж мэдсэн байна. Өмгөөлөгчийнх нь хэлснээр эмэгтэй хийсэн хэргээсээ маш их ичиж, харамсаж байгаа гэжээ.

 

Эх сурвалж: www.cnn.com

---