Их эзэн Чингис хааны мэндэлсний ой, Монгол бахархлын өдөр дэлхий дахинаа нэрээ цуурайтуулж буй "The Hu" хамтлагийнханд Монгол төрийн дээд шагнал, тэргүүн зэргийн Чингис хаан одонг олгосон билээ.

Тус хамтлагийн залуус Хойд Америк дахь аялан тоглолтоо үргэлжлүүлж яваа бөгөөд энэ сарын 15-нд хамтлагийн залуус эх орондоо ирэх гэнэ.

“The Hu” хамтлагийнхан аялан тоглолтоо есдүгээр сарын 11-нээс эхэлсэн бөгөөд арванхоёрдугаар сарын 10-нд хамгийн сүүлчийн тоглолтоо Лос Анжелес хотноо хийх юм байна.

“The Hu” хамтлагийн залуус Монголдоо эргэн ирээд дахин нэгдүгээр сарын 15-наас долдугаар сарын 18-ныг дуустал Европоор аялан тоглолтоо хийхээр төлөвлөжээ.

Тухайлбал, Герман, Норвеги, Швед, Польш, Чех, Австри, Швейцарь, Франц, Нидерланд, Их Британи, Ирланд, Австрали, Шинэ Зеланд, Чили, Аргентин, Бразил улсын хэд хэдэн хотод аялан тоглолтоо хийхээр товоо гарган өчигдрөөс тасалбараа худалдаалж эхэлсэн байна. 

Энд дарж аялан тоглолтын хуваарьтай танилцана уу. 

---