Нийгмээ өөрчлөх зорилгоор байгуулагдсан “Уухай” хөдөлгөөнийхөн “Электорат”-ын гишүүдтэй чөлөөт ярилцлага, уулзалт хийж эхэлжээ. Анхны уулазтаа "Электорат" хөдлгөөний дэмжигч гишүүн, гавъяат эмч Б.Болдсайхантай улс төр, нийгэм, сонгуулийн тухай хуулийн талаар хийлээ. 

 УИХ-ын дэд дарга Л.Энх-Амгалан нарын санаачилсан УИХ-ын сонгуулийн тухай хууль энэ долоо хоногт УИХ-ын чуулганаар хэлэлцэгдэх бөгөөд уг хууль зөвхөн том намуудыг дэмжсэн, жижиг намууд болоод бие даагчдад халгаатай хууль болж байна гэж тэд үзэж байна. Ийм нөхцөлд залуусын оролцоог хэрхэн нэмэгдүүлэх, яавал зөв хүмүүсийг УИХ-д төлөөлөл болгон гаргах боломжтой зэрэг өргөн сэдвээр ярилцлаа. 

"Уухай" хөдөлгөөн бол өнгөрсөн 9-р сард байгуулагдсан бөгөөд одоогоор цахим орчинд олон залуусыг эгнээндээ нэгтгэжээ. Тэдний гол зорилго нийгмээ өөрчлөх бөгөөд үүний тулд залуусын оролцоог чухалчилж, сонгууль өгдөггүй 500 орчим мянган залуусыг сонгуульд оролцуулах зорилготой юм байна.  Тус хөдлгөөнийхөн улс төр, нийгмийн талаарх ийм чөлөөт ярилцлагыг цаашид уламжлал болгон зохион байгуулж, түүгээрээ дамжуулж нийгэмд үгүйлэгдэж байгаа эерэг, зөв саналуудыг өөрсдөдөө болоод олон нийтэд хүргэхээр зорьж байгаа ажээ. 

---