Нийслэлийн Гэр бүл, хүүхэд, залуучуудын хөгжлийн газар, Тэнгис кино театртай хамтран Сонсголын бэрхшээлтэй хүүхдүүдийн тусгай 29 дүгээр сургуулийн сурагчдад үнэ төлбөргүй кино үзүүллээ.

Нийслэлийн Гэр бүл, хүүхэд, залуучуудын хөгжлийн газар, олон улсын хөгжлийн бэрхшээлтэй иргэдийн эрхийг хамгаалах өдрийг угтаж "Бид тэгш эрхтэй" уриан дор хөгжлийн бэрхшээлтэй хүүхдийн хөгжлийг дэмжих арга хэмжээг жил бүр уламжлал болгон зохион байгуулж ирсэн. Өнгөрсөн жилийн уулзалт хэлэлцүүлгийн үеэр хөгжлийн бэрхшээлтэй сурагчид бидэнд нийцсэн чөлөөт цаг өнгөрөөх орчин, үзвэр үйлчилгээ хомс байдаг хэмээн уламжлан хэлсэн байдаг.

Тэгвэл энэ жил тэдний хүсэлтийг Тэнгис кино театртай хамтран хэрэгжүүлэн сонсголын бэрхшээлтэй хүүхдүүдийн тусгай 29 дүгээр сургуулийн сурагчдад Frozen2 хүүхэлдэйн киног үнэ төлбөргүй үзүүлсэн юм.

 

---