Албани улсад мягмар гарагт 6,4 магнитудын хүчтэй газар хөдөлж багаар бодоход 40 хүн амь эрсэдсэн юм. Эдгээр амиа алдсан иргэдийн дунд тус улсын Ерөнхий сайд Эди Рамагийн ирээдүйн бэр бүсгүй байсныг CNN мэдээлжээ.

Ерөнхий сайд Рамагийн хүү Грегор Рамагийн сүйт бүсгүй Кристи Речи газар хөдлөлтийн үеэр эцэг эх, ахын хамт гэр бүлээрээ амиа алдсан гэж албаны эх суралжаар мэдээлсэн байна. Мөн Ерөнхий сайдын хүү Грегор өөрийн Инстаграм хуудсандаа амиа алдсан иргэдийн дунд хайртай дотны хүн нь гэр бүлийнхэнтэйгээ хамт байсныг байшин барилгын нурангин доороос олсон гэдгийг нийтэлжээ. 

Газар хөдлөлт мягмар гарагийн өглөө нийслэл Тиранагаас 36 км орчимд байдаг Дуррес хотын ойролцоо болсон юм. Тус улсад ойрын 40 жилийн хугацаанд тохиогоогүй хүчтэй газар хөдөлсөн тухай мэдээлсэн.

Олон зуун хүн гэмтэж бэртсэн ба зарим хүмүүсийг олоогүй хэвээр байна. Пүрэв гарагийн байдлаар байгалийн гамшгийн дараах хүнд нөхцөл байдлаас бүрэн гараагүй, эрэл хайгуулын ажил үргэлжилжээ. Түүнчлэн өчигдөр өглөө 5,0 болон 4,8 магнитудын хүчтэй газар хөдлөлт дахин бүртгэгдсэн тухай Батлан хамгаалах яамны төлөөлөгч Албана Агастра мэдэгдлээ.

Эх сурвалж: www.cnn.com

---