Алдарт Уолт Диснейн энэ онд нээлтээ хийсэн таван ч бүтээл хэдийнээ тэрбум гаруй ам.долларын ашиг орлого цуглуулаад амжсан. Өнгөрсөн долоо хоногт нээлтээ хийсэн “Frozen 23 энэ онд тэрбум гаруйн ашиг олсон Диснейн зургаа дахь уран бүтээл болох нь гарцаагүй ажээ.

2013 онд эхний ангиа хүргэж 1,2 тэрбум ам.долларын ашиг цуглуулсан “Frozen3 хүүхэлдэйн киног одоо ч хүүхэд багачууд төдийгүй адал явдалд дуртай Диснейн шүтэн бишрэгчид мартаагүй юм. “Frozen 2” энэ сарын 22-ны өдөр нээлтээ хийж, өнгөрсөн амралтын өдрүүдэд хойд Америкт 127 сая ам.доллар, дэлхийн бусад улс орнуудад 222 сая ам.доллар, нийт 350 сая ам.долларын ашиг хуримтлуулжээ.

Эдийн засагчид “Frozen 2” нээлтээ хийсэн даруйдаа хамгийн их ашгийг эздэдээ авчирсан хүүхэлдэйн кино болж дээд амжилт эвдлээ хэмээн сэтгэгдлээ хуваалцаж байна. Тус хүүхэлдэйн киноны анхны анги 2013 онд нээлтээ хийж, Талархлын баярын тав хоногт 100 сая ам.долларын ашиг олно гэж тооцсон ч ердөө 93 сая ам.доллар олж байсан юм.

"Avengers: Endgame", "Toy Story 4" болон "The Lion King" бүтээлүүд нь тус бур тэрбум гарсан ашиг олсон Дисней ирэх сард "Cats", "Jumanji: The Next Level", "Star Wars: The Rise of Skywalker" бүтээлүүдээ нээж 2019 оныг үдэхээр төлөвлөж байна.

 

Эх сурвалж: www.cnn.com

---