БНСУ-ын “Кореан Айр” авиа компанийн онгоцны үйлчлэгч бүсгүйд бэлгийн дарамт үзүүлсэн гэх хэрэгт холбогдсон Үндсэн хуулийн цэцийн дарга Д.Одбаяр албан тушаалаасаа чөлөөлөгдөх өргөдлөө Цэцийн их суудлын хуралдаанд гаргасан байдаг. Харин тэрхүү өргөдлийн дагуу өнөөдөр 10.00 цагаас Цэцийн гишүүд хуралдаж, Д.Одбаярыг огцруулах эсэхээ хаалттай хуралдаанаар шийдэхээр болжээ. Хуралдааны ирц бүрдэж байгаа эсэхийг тодруулахаар бид ҮХЦ-ийн хэвлэлийн төлөөлөгч рүү удаа дараа залгасан боловч тэрбээр утсаа авсангүй.

---