БНХАУ-д долоо хоногийн өмнө тарваган тахлаар халдварласан хоёр хүн нийслэл Бээжин хотод эмчлүүлж байгаа талаар мэдээлж байсан юм. Олон улсад хар үхэл ч гэгддэг тарваган тахлаар халдварласан гурав дахь иргэн ӨМӨЗО-ы Хуадэд бүртгэгджээ.

Синьхуа агентлагийн мэдээлснээр өнгөрсөн бямба гарагт тарваган тахлаар халдварласан эрэгтэйг бүртгэсэн ба тэрээр ан хийж явахдаа зэрлэг туулай агнаж махаар нь хооллосноос тахал тусчээ.

Тарваган тахал нь амьтнаас хүнд маш ховор тохиолдолд халдварладаг өвчин юм. Дэлхийн эрүүл мэндийн байгууллагаас жил бүр 1,000 орчим хүн уг тахлаар халдварладаг гэсэн судалгаа гаргажээ. Тархалт хамгийн их байдаг улс орнуудаар Бүгд найрамдах ардчилсан Конго, Мадакаскар, Перу улсууд нэрлэгдсэн байна.

АНУ-д жил бүр дунджаар долоон хүн тарваган тахлаар халдварладаг ажээ.

 

Эх сурвалж: www.cnn.com

---