Вьетнам улсын 39 иргэн хилийн чанадыг зорьж сайхан амьдрал эрэлхийлэхээр аян замдаа гарсан боловч хөргүүр чингэлэгт харамсалтайгаар хөлдөж амиа алдсаныг Английн Эссекс хотын цагдаа нар илрүүлсэн юм. Тэгвэл эдгээр амиа алдсан хохирогчдын цогцосыг эх нутаг руу нь буцаахад ар гэрийнхэнд нь их хэмжээний зардал шаардлагатай тул боломжгүй гэр бүлүүдэд Вьетнамын Засгийн газар зээл олгохоор болжээ.

Засгийн газраас олгосон зээлээр хохирогчийн цогцосыг авчрах болсонд санал нэг гэр бүлүүд байгаа ч зарим нь хэдийнээ их хэмжээний өр зээл тавьж Их Британи руу гэр бүлийн гишүүнээ явуулсан тул эргэж авчрахдаа дахин зээл авч чадах эсэх нь эргэлзээтэй гэдгийг хэлж байна. Хохирогчдыг таниулах ажил 10 хоногийн өмнө дууссан боловч одоог хүртэл  эх орондоо буцаж чадаагүй байгаа юм.

Тэдгээр амиа алдсан хүмүүсийн ар гэрийнхэнд зориулж цогцосыг нь буцааж авчрахад хөнгөлөлт үзүүлж 66 сая донг буюу 2,200 фунт стерлинг /2,840 ам.доллар/ болгон хямдруулжээ. Харин Их Британид чандарлуулсан тохиолдолд буцааж авчрахад 44 сая донг болох юм байна. Гэвч гэр бүлүүд хайртай дотны хүмүүсээ Их Британи руу хууль бусаар хил давуулахын тулд 40,000 фунт стерлингийн зээл авсан байгаа ажээ.

 

 

Лондон дахь Вьетнамын элчин сайдын яамнаас хохирогдчын ар гэрийнхэнд тусалж, цогцосуудыг буцаахад тусламж дэмжлэг үзүүлэхийн тулд Засгийн газартай хамтран ажиллаж байна гэжээ. Вьетнам улсын 39 иргэнийг авч явсан ачааны машины хоёр жолоочийг үй олноор нь хүний амь нас хөнөөсөн хэрэгт яллаж байгаа бол хэрэгт холбогдолтой бусад хүмүүсийг хорьж саатуулсан байгаа юм.

 

 

Эх сурвалж: www.bbc.com

---