Японы мэргэжлийн сумо бөхийн Кюүшюү башёгийн найм дахь өдрийн барилдааныг шууд дамжуулан үзүүлж байна.
Өнөөдөр башёгийн найм дахь өдөр ч тавин хувийн амжилтаа үзүүлэх бөх гарахгүй. Учир нь башёг тэргүүлж буй их аварга Хакухо М.Даваажаргал зургаан даваа нэг унаатай явж байгаа бол таван даваа, хоёр унаатай таван бөх удаалж байна. Өнөөдрийн онцлох барилдаан бол Хакухо М.Даваажаргал их аварга нутаг нэгт маэгаширагийн 4-өөс барилдаж буй Тамаваши Б.Мөнх-Оргилтой учраа тааран барилдана. Урьд өмнө нь хоёр бөхийн хувьд 16 удаа учраа тааран барилдахад Тамаваши Б.Мөнх-Оргил нэг л удаа их аваргыг давж үзсэн байдаг. Тэр нь энэ оны Хацу башёгийн 12 дахь өдөр байлаа.
