Үндсэн хуулийн нэмэлт, өөрчлөлтийн төслийг хэлэлцэх чуулганы хуралдааныг УИХ дахь АН-ын зөвлөл эсэргүүцэн  орхиж гарсан. Тэд энэ удаагийн өөрчөлтөөс өлгөөд авах нэг ч олигтой заалт орсонгүй гэж тэд үзэж байна.

 

АН-ын дарга С.Эрдэнэ:

-Олонхийг бүрдүүлсэн МАН эрхийнхээ хүрээнд үндсэн хуулийн нэмэлт, өөрчлөлтийг баталлаа. Гэхдээ Үндсэн хууль гэдэг бол аль нэг намын эрх ашиг, улс төрийн хөзөр биш.  Монгол улсын нийгэм эдийн засаг, улс төр, бизнесийн бүх харилцааг зохицуулдаг хамгийн дээд бичиг баримт. Хэн дуртай нь ч хүрээд байдаг зүйл биш.

Гэтэл Үндсэн хуулийн нэмэлт, өөрчлөлтийг хэлэлцэж эхлэхээсээ л хууль зөрчсөн. Үндсэн хуульд нэмэлт, өөрчлөлт оруулах журмын тухай хуулийг удаа, дараа зөрчлөө. Ингэж хууль зөрчин байж хийсэн нэмэлт, өөрчлөлт нь ард түмний амьдрал, улс орны хөгжил, эдийн засгийг сайжруулахад ямар нөлөө үр нөлөө үзүүлэх юм бэ. Юу ч алга.

Гэрэлтэй, гэгээтэй гэж бодож байсан ганц, нэг заалтууд нь хасагдсан. МАН Үндсэн хуулинд нэмэлт, өөрчлөлт орууллаа гэсэн нэр зүүх гэж, улс төрийн хожоо олох алхам л хийлээ.  

2000 онд өнөөгийн МАН мөн л олонхиороо хүч түрж Үндсэн хуульд халдсан. Бидний ярьдаг дордуулсан долоон өөрчлөлтийг оруулсан. Одоо болтол засч, янзлаагүй явж байна. Энэ өөрчлөлтөөр ч мөн л адилхан долоон өөрчлөлтөө засч, янзалсангүй.

Нийгэм, эдийн засагт үр нөлөөгөө өгч болох маш олон өөрчлөлтүүд хүлээгдэж байсан. Сая гаруй хүн амтай нийслэл хот маань аймгийн статустай байх жишээтэй. 300 мянган хүн амтай дүүрэг сумын статустай байна... Эрхзүйн хувьд зохицуулалт хийх маш олон өөрчлөлт хийх заалт байсан. Харамсалтай нь яригдсангүй. Ийм байдлаар Үндсэн хуулийн нэмэлт өөрчлөлт хийсэнд харамсч байна.

Эрх баригч МАН 2016 онд дэвшүүлсэн амлалтаа нэгийг нь ч биелүүлээгүй. Тиймээс ядаж Үндсэн хуульд өөрчлөлт оруулсан болж харагдах л гэж байна.

---