Хотын их хөдөлгөөнд амьдарч, хоол олж идэх гэсэн тагтаанууд сарвуугүй болох нь хаа нэгтээгээс халдварласан өвчин, тахал, аль эсвэл химийн хорт нөлөө гэж эрт үеэс судлаачид үздэг байсан билээ.

Гэвч Францын Үндэсний байгалийн түүхийн музей болон Lyon их сургуулийн хамтарсан баг Парис хотын 46 байрлалд тагтаануудын бэртэл гэмтлийн байдлыг судалжээ.

Ингэхэд тэдгээр тагтаануудын бүдэрч сарвуугаа гэмтээж байсан зүйл бол хүний үс гэсэн дүгнэлтэд хүрсэн байна. Тиймээс хүний буруутай үйл ажиллагаанаас үүдэлтэйгээр тагтаанууд сарвуугүй болж байна гэж үзжээ.

Тагтаанууд агаарын болоод дуу чимээний бохирдол ихтэй хэсэгт илүү цөөн тоогоор амьдарч байна. Хамгийн хачирхалтай нь судалгааны багийнхан үсчний газрууд төвлөрсөн хэсэгт амьдардаг тагтаанууд сарвуугүй болох тохиолдол маш их байгааг анзаарчээ.

Үсчний газрын хог хаягдлаас гарсан хүний үс хялгасанд сарвуугаа орооцолдуулж, нисэхдээ гэмтдэг гэж таамаглаад байгаа юм.

 

Эх сурвалж: www.theguardian.com

 

---