ЗТХ-ийн сайд Б.Энх-Амгалан:

-Дарханы зам дээр УИХ-ын гишүүд асуулга тавьсан. Бид хариулахаар бэлдэж байна. Гэрээний 1-р үе шат ёсоор 11-р сарын 1-нд нээх байсан юм. Эхний ээлжинд хөдөлгөөнөө нээнэ. Нээхдээ асфальтан хучилтаа авчихъя гэж тооцож байсан. Гэтэл зарим гүйцэтгэгч компаниудын үйл ажиллагаанаас шалтгаалаад гүйцэтгэл хангалтгүй болсон.

Дээр нь нэлээн олон газар ухалт хийж байгаа юм. Зарим газар зам салж байгаа. Энэ нь нэлээн ажиллагаа ихтэй байна. Мөн 6-р сарын 20-оос хойш гэрээ байгуулагдаж эхэлсэн. Усархаг бороотой байсан учраас байгалийн хүчин зүйлээс шалтгаалаад хугацаа алдсан.

Муу ажиллаж байгаа компаниудыг цуцлах гэхээр төслийн төсөв бүхэлдээ татагдах гээд байсан учир хэвээр нь явж өдий хүрлээ. АХБ, Төсвийн хяналтын нэгжтэй нэгдсэн хурал хийсэн. Замын ажлыг яаравчлуулах талаар ярилцсан.

-Зам дээр машинууд эвдэрч байна, сүйдэж байна шүү дээ?

-Өмнө нь түр замаар зорчиход асуудал байсан. Одоо нээсэн зам бол нэгдүгээр үеийн хатуулгатай, гурван үеийн цементэн хучилтаа авчихсан учир автомашин эвдрэх, осол гарах нь буурсан гэж ТЦА-аас мэдээлж байна. Мэдээж асфальтан зам дээр явж байгаа шиг байж чадахгүй. Одоо хүйтэрсэн учир асфальтаа тавих боломж байхгүй. Гэхдээ бид хавар эрт ажилдаа гарах төлөвлөгөөтэй байна. 

---