АНУ-ын Нью Жерси мужид өнгөрсөн ням гарагт улаан өнгийн Porshce Boxter дээвэр нь онгойдог тансаг загварын автомашин хурд хэтрүүлснээс хяналтаа алдаж байшингийн хоёр давхар луу нисч цөмөрсөн ноцтой осол гаргажээ.

Автомашин осолдох үедээ өндөр хурдтай явж байсан тул замын хашлага мөргөн шидэгдэж, байшинг цөмөлснөөс дотор нь байсан жолооч, зорчигч амиа алдсан байна. Жолооны ард 22 настай Брэден ДэМартин, зорчигчийн суудалд 23 настай Даниель Фолей нар явж байжээ.

Осол гарах үед байшинд хүн байгаагүй гэж эзэмшигч нь мэдэгджээ. Ослыг цагдаа нар үргэлжлүүлэн шалгаж байгаа ба ослын газрыг долоон цагийн турш хамгаалалтанд авч хаасан байна.

 

 

Эх сурвалж: www.cnn.com

---