Чингэлтэй дүүргийн Эрүүгийн хэргийн анхан шатны шүүхэд 13.30 цагаас Монгол Улсад хууль бусаар хар тамхи оруулж ирсэн Нигерийн иргэд болох Азеез, Дон болон Монгол Улсын иргэн н.Ариунзул нарыг шүүх хурал болно.

Дээрх иргэдэд прокурорын зүгээс Эрүүгийн хуулийн 20.7-2 буюу “Мансууруулах эм, сэтгэцэд нөлөөт бодис, тэдгээрийн түүхий эдийг худалдаалах зорилгоор хууль бусаар олж авсан, бэлтгэсэн, боловсруулсан, хадгалсан, тээвэрлэсэн, илгээсэн, худалдсан” гэх зүйл ангиар ялын дүгнэлт үйлдэн ирүүлээд байгаа юм. Шүүхээс гэмт буруутай үзсэн тохиолдолд найм хүртэлх жилийн хорих ял эдлэх юм байна.

---