УИХ-ын Эдийн засгийн байнгын хорооны маргаашийн хуралдаанаар Монголбанкны ерөнхийлөгч Н.Баяртсайхан, Санхүүгийн зохицуулах хорооны дарга С.Даваасүрэн нарыг чөлөөлөх асуудлыг хэлэлцэхээр хэлэлцэх асуудлын дараалалд багтаажээ. Үүний дараа Байнгын хорооны санал дүгнэлтийг ирэх баасан гаригийн чуулганы хуралдаанаар хэлэлцэх товтой байна.

Олон улсын байгууллага (ФАТФ) Монгол Улсыг саарал жагсаалтад оруулсантай холбогдуулан тэдэнтэй ажлын хариуцлага тооцож буй юм. Энэ тухай УИХ-ын дарга Г.Занданшатар “Төв банкны удирдлага болон, Санхүүгийн зохицуулах хорооны дарга нарт хариуцлага тооцно. Холбогдох хуулийн дагуу харьяалах байнгын хороонд дээрх хоёр албан тушаалтанд хариуцлага тооцох асуудлаар чиглэл өгсөн” гэж байсан билээ.

---