УИХ дахь намын бүлэг, зөвлөлүүд өнөөдөр хуралдана.

Улсын Их Хурал дахь МАН-ын бүлгийн хуралдаан “Жанжин Д.Сүхбаатар” танхимд;
Улсын Их Хурал дахь АН-ын зөвлөлийн хуралдаан “Их Эзэн Чингис хаан” танхимд;
Улсын Их Хурал дахь ШИНЭ намын зөвлөлийн хуралдаан “В” танхимд тус тус хуралдахаар товлогджээ.  

Намын бүлэг, зөвлөлөөс гадна, Өргөн нэвтрүүлгийн тухай хуулийн төсөл болон хамт өргөн мэдүүлсэн хуулийн төслүүдийг нэгдсэн хуралдаанаар хэлэлцүүлэх ажлын дэд хэсгийн хуралдаан болно. Түүнчлэн Төрөөс мөнгөний бодлогын талаар 2020 онд баримтлах үндсэн чиглэл батлах тухай” Улсын Их Хурлын тогтоолын төслийг нэгдсэн хуралдаанаар хэлэлцүүлэх үүрэг бүхий Эдийн засгийн байнгын хорооны ажлын хэсгийн хуралдаан болно.

Хуулийн байгууллагын алба хаагчидтай холбоотой гэмт хэргийн шинжтэй гомдол мэдээллийг шалгах хараат бус байгууллага байгуулах шаардлагатай эсэх талаарх Хууль зүйн байнгын хорооны хэлэлцүүлэг мөн өнөөдөр хуралдах юм. 

---