“Токио-2020” Олимпийн наадмын хөтөлбөрт спорт авиралт, каратэ, серфинг, скэйтборд, сагсан бөмбөгийн 3х3 төрөл шинээр багтсан билээ. Тэгвэл манай улсын эмэгтэй баг тамирчид сагсан бөмбөгийн 3х3 төрөлд оролцох эрхтэй боллоо. 

Өчигдөр/2019.11.01/ Олон улсын сагсан бөмбөгийн холбоо(FIBA)-ноос “Токио 2020” Олимпийн наадамд оролцох, үндэстний чансаагаар тэргүүлж буй эрэгтэй 4, эмэгтэй 4 багийг зарласан. Үүнд Монголын эмэгтэйчүүдийн баг шалгарсан юм. Ингэснээр Монгол улс спортын түүхэндээ анх удаа багийн спортын төрөлд олимпийн наадамд өрсөлдөхөөр болж байна. Харин Монголын эрэгтэйчүүдийн багийг Энэтхэг болон Унгар улсад 2020 оны 03, 04 дүгээр сард зохион байгуулагдах олимпийн эрхийн оноо цуглуулах тэмцээнүүд хүлээж байна.

Манай улсаас гадна ОХУ, Хятад, Япон, Серби, Румын улсууд сагсан бөмбөгийн 3х3 төрлөөр олимдод оролцох эрхтэй болжээ.

Манай улсын баг тамирчид Токио-1964 олимпийн наадмаас эхлэн чөлөөт бөх, жүдо,бокс, буудлага, хүндийн өргөлт, дугуй, байт харваа, хөнгөн атлетик, спортын гимнастик, усанд сэлэлт, тэквондо гэсэн 11 төрлөөр нийт 13 удаагийн олимпийн наадамд оролцож байсан түүхтэй.

---