Нийслэлийн прокурорын газарт 2019 оны гуравдугаар улирлын байдлаар 24575 зөрчлийн хэрэгт хяналт тавьж ажиллажээ. Энэ нь 2019 онд зөрчлийн хэрэг өмнөх оноос 4 хувиар өссөн үзүүлэлт юм. 

Эндээс эрх бүхий албан тушаалтанд хариуцлага тооцуулахаар 12535 хэргийг шүүх рүү шилжүүлсэн байна. Өөрсдийн эрх мэдлийн хүрээнд 4637 хэрэгт шийтгэл ногдуулж, 3997 хэргийг хэрэгсэхгүй болгожээ.

Харин 1541 зөрчилд хэрэг бүртгэл нээн 47 хэрэг дээр эрүүгийн хэрэг үүсгэж яллагдагчаар татсан байна.  

Өөрөөр хэлбэл, Зөрчил гэж үзээд эрх бүхий албан тушаалтанд өгсөн гомдол нь эрүүгийн шинжтэй байсан 47 тохиолдол гарчээ. Тиймээс 47 гэмт хэргийг  зөрчил гэж шийдвэрлүүлж  ял шийтгэл завшихаас сэрэмжилсэн байна.

Хөөн хэлэлцэх хугацаа дууссан шалтгаанаар 98 хэрэг хэрэгсэхгүй болсон байна

Нийслэлийн прокурорын байгууллага 56094 гэмт хэргийн талаарх гомдол, мэдээлэлд хяналт тавьсан байна. Энэ нь өмнөх оны мөн үеэс 2343 буюу 4 хувиар буурчээ.

Үүнээс 58 орчим хувь буюу 32708-д нь хэрэг бүртгэлтийн хэрэг нээсэн бол 20854 буюу 37 хувьд нь хэрэг нээхээс татгалзаж,  976 гэмт хэргийн шинжтэй годмол мэдээлэл дээр шууд эрүүгийн хэрэг үүсгэн яллагдагчаар байна.

2019 оны 10 сарын байдлаар 16129 мөрдөн байцаалтын хэрэгт хяналт тавьсан байна. Энэ нь өмнөх оноос 8,5 хувиар өссөн үзүүлэлт юм. Мөрдөн байцаалт явуулсан нийт хэргийн 60 орчим хувийг шүүхэд шилжүүлжээ.

Харин 3 хувь буюу 502 хэргийг хэрэгсэхгүй болгосон байна. Хэрэгсэхгүй болгож байгаа гол шалтгаан нь гэмт хэргийн шинжгүй байжээ.  Эндээс хөөн хэлэлцэх хугацаа дууссан шалтгаанаар 98 хэрэг хэрэгсэхгүй болсон байна.

Мөн мөрдөн байцаалт явуулсан нийт хэргийн 8 орчим хувьд нь цагдан хорих, таслан сэргийлэх арга хэмжээ авчээ.

---