Судлаачид урьд өмнө 2050 он гэхэд жилд 80 сая иргэн далайн усанд болон үерт живж амиа алдах эрсдэлтэй нүүр тулж байна гэсэн судалгааг хийж байсан юм. Харин энэ удаад дээрх тооноос гурав дахин их буюу жил бүр 300 сая хүн далайн түвшин нэмэгдэж байгаатай холбогдуулан үерт автаж амиа алдах эрсдэлтэй байгаа гэж Nature Communications сэтгүүлд нийтэлжээ.

Эргийн хамгаалалтыг сайжруулж, нүүрстөрөгчийн хийг бууруулсан ч дэлхийн цаг уурын өөрчлөлтийг даван гарах амаргүй гэдгийг харуулсан шинэ судалгааг хиймэл оюун ухааны тусламжтайгаар хийсэн байна. Үүнээс өмнөх судалгааг хиймэл дагуулын мэдээллээр хуурай газрын далайн түвшнээс дээш өндрийг, хотжил барилга байгууламжийн өндөртэй харьцуулан хийжээ.

Судлаачдын гаргасан дүр зурагт цаг уурын өөрчлөлт бидний амьдрах хугацаанд хот суурингууд, эдийн засаг, эргийн бүс төдийгүй дэлхийн бүх хэсгийг дахин төлөвлөх, өөрчлөлтөд хэрхэн хүргэхийг харуулсан нь багагүй гайхшруулсан байна.

Дэлхийн хүн амын дийлэнх оршин суудаг Ази тивд өөрчлөлт хамгийн их шаардлагатай болно гэж тооцоолжээ. Тухайлбал 2050 онд Бангладеш улсад үерийн улмаас амь эрсдэж магадгүй иргэдийн тоо найм дахин, Энэтхэгт 12 дахин, Хятадад гурав дахин нэмэгдэнэ гэжээ. Тэр тусмаа Индонези улсад хэдий нь өөрчлөлт мэдрэгдэж эхэлсэн нь живж буй Жакартагаас нийслэл хотоо нүүлгэхээр шийдсэн явдал юм.

Өөр нэг аюул дагуулах үзэгдэл бол Антарктикийн мөсөн бүрхүүлийн тогтворгүй байдал. Антарктикийн мөс хайлснаар 2100 онд 640 сая хүний амь насанд аюул учруулж болзошгүй хэмээн таамаглажээ.

 

Эх сурвалж: www.theguardian.com

---