Сэргэн мандалтаас өмнөх үеийн Италийн алдарт уран зураач Чимабуэн “Христийг шоолсон нь” уран зураг удаан хугацаанд алдагдаад байсан юм. Ор сураггүй болсон урлагийн үнэт бүтээл франц эмэгтэйн гал тогооний өрөөнд өлгөөтэй байсныг өнгөрсөн сард олж дуудлагаар худалджээ.

Уран зургийг зургаан сая еврогийн үнэ хүрнэ хэмээн таамаглаж байсан ч дөрөв дахин их буюу 24 сая евро /26,6 сая ам.доллар/ хүрсэн байна. Дуудлага худалдаанд оролцогчдын дунд гадаад улсын урлагийн музей байсан ч Франц улсын нэрээ нууцалсан иргэн 20*26 см хэмжээтэй уран зургийг дээрх үнээр худалдаж авчээ.

Италийн уран бүтээлч Чимабуэн бүтээлүүд нийтлэг бус, дуудлага худалдаагаар зарагдах нь ховор тул гэнэтийн явдалд бэлэн байх ёстой гэж зохион байгуулагчид ярьсан байна.

Compiegne хотын оршин суугч, ахимаг настай эмэгтэй тавган дээр наасан зургийг олон жил ханандаа өлгөснийг дуудлага худалдааны шинжээч олж харан мэргэжилтнүүдэд хандахыг зөвлөжээ. Нарийн шинжилгээ, дүгнэлтээр Чимабуэ уг зургийг өөрийн гараар зурсан болохыг баталж дуудлага худалдааны товыг зарласан юм.

 

 

Эх сурвалж: www.bbc.com

---